منــتديــــات الفـــيـــلســـــوف الدميــــــــاطي
اهلا بكم في منتديات الفيلسوف الدمياطي ونتشرف بتسجيلكم معنا
موبايل الفيلسوف محمد موسي 01113434651 للتواصل

منــتديــــات الفـــيـــلســـــوف الدميــــــــاطي

 
الرئيسيةالرئيسية  اليوميةاليومية  المنشوراتالمنشورات  س .و .جس .و .ج  بحـثبحـث  الأعضاءالأعضاء  التسجيلالتسجيل  دخول  صفحة الفيلسوف الدمياطيصفحة الفيلسوف الدمياطي  

بحـث
 
 

نتائج البحث
 
Rechercher بحث متقدم
المواضيع الأخيرة
» حديث مبارك بعد اعتقال السيسي لنجليه جمال وعلاء وتهديده بخلعه
الثلاثاء 25 سبتمبر 2018 - 20:28 من طرف Elfailasof

» تقليد فنانين حكايه 2019 هتضحك من قلبك
الإثنين 24 سبتمبر 2018 - 2:20 من طرف الفيلسوف الدمياطي

» جلب الاف المشاهدين لقناتك علي اليوتيوب ببرنامج خطير2019
الأحد 23 سبتمبر 2018 - 23:31 من طرف الفيلسوف الدمياطي

» محمود نظمي قتل اولاده مع سبق الاصرار والترصد حقيقه صادمه
الأحد 23 سبتمبر 2018 - 23:29 من طرف الفيلسوف الدمياطي

» اخيرا ظهر الحق محمود نظمي القاتل باعتراف والدته
الأحد 23 سبتمبر 2018 - 23:26 من طرف الفيلسوف الدمياطي

» بدير والزلط عم سمحي اقوي اشتغالات هتموت من الضحك2019
الأحد 23 سبتمبر 2018 - 23:21 من طرف الفيلسوف الدمياطي

» حماده ابو جنابل نشرة اخبار العرب اذاعة الشرابيات الحره
الأحد 23 سبتمبر 2018 - 23:00 من طرف الفيلسوف الدمياطي

» تحميل لعبة بيس 2019 بحجم 500 ميجا فقط برابط مباشر
الأحد 23 سبتمبر 2018 - 22:56 من طرف الفيلسوف الدمياطي

» اغنية مش معقول صالح ابو خشيم اروع الاغاني البدويه
السبت 22 سبتمبر 2018 - 5:31 من طرف Elfailasof

أفضل 10 أعضاء في هذا المنتدى
الفيلسوف الدمياطي
 
♥УДЯД☺
 
NOOR
 
crazygirl
 
ساحرة القلوب
 
دودو الدلوعة
 
the sun
 
سووسه ووبس
 
زهرة_الوادى@yahoo.com
 
زهره البستان
 
شات الفيلسوف الدمياطي

Get your own Chat Box! اضغط هنا لتكبير الشات!

شاطر | 
 

 الدهب يفضل دهب

اذهب الى الأسفل 
كاتب الموضوعرسالة
مسترعطيه الخضرى
عضو نشيط ورايق
avatar

عدد المساهمات : 20
تاريخ التسجيل : 13/11/2011

مُساهمةموضوع: الدهب يفضل دهب   الخميس 31 مايو 2012 - 0:45

الدهب يفضل دهب
مهما شال من عفاره
والزفر يفضل زفر
مهما ينضف م الزفاره
والزباله بتبقى مسك
لو زباله من عِطّاره
==
ومصرنا معدتش يوم مستحمله
والحدود متخلله
متبهدله
والفتن جوه البلد متشعلله
والجوع يزيد
والحاله زايده ف الغِله
والفتاوى بأسم دين
متحلله
كل واحد بقه له ترزى
والفتاوى متفصله
ولاحد فيهم عاوز مصلحه
ولاقلبهم على امهم
حاطينها تحت المقصله
يا جماعه ما للسياسه والصلاه
مابقيتش فاهم ايه الحلال
ايه الحرام
وكلها جنب اختها ومحصّله
الصوم والصلاه
لازم لهم ركن الطهاره
والسياسه
مش طهاره
الدهب يفضل دهب
مهما شال من عفاره
والزفر يفضل زفر
مهما ينضف م الزفاره
والزباله بتبقى مسك
لو زباله من عِطّاره

اى رئيس
كلنا هندعى ربنا يعينه
لكن محدش يفرض عليه
انتخب واحد بعينه
أنا مصرى حر
والدنيا كلها عارفينه
مبنتميش غير للبلد
أنا صانع تاريخ
يشهد علىِّ الهرم
اللى احنا بانيينه
عارف حلالى وحرامى
مصرى وعارف دينه
ازاى تقول دخان حرام
وانته ماسك لى ف سيجاره

الدهب يفضل دهب
مهما شال من عفاره
والزفر يفضل زفر
مهما ينضف م الزفاره
والزباله بتبقى مسك
لو زباله من عِطّاره

يارب وفق كل صالح
اللى غرضه مش مصالح
اللى يقرِّب مننا
وبحكمته دايما يصالح
مش مبارك
ولا بشّار ولا صالح
رئيس حسيس
ومش كالِح
رئيس زكى
نبيه فالِح
يزرع صحاريها
ورد وموالِح
ويرجع وشها
لحالة النضاره
الدهب يفضل دهب
مهما شال من عفاره
والزفر يفضل زفر
مهما ينضف م الزفاره
والزباله بتبقى مسك
لو زباله من عِطّاره

عايزين رئيس
يتق ربنا فينه
يقدر بصدقه
وحكمته يمشِّى السفينه
يقدر بعزمه وقوته
ينشر لنا فيها السكينه
لحد ما تسير الحياه
ونلاقى مينه
ولو ف يوم يضحك علينه
احنا مش سايبينه
هنطلعوا عينه
عمرنا ماهنبقى خدِّامينه
ولانعذره ولا مسامحينه
يضحك علينا
هنكونوا ما حيينه
هنخزقوا عينُه
ونكون عدوينه
لكن يعيننا
كلنا نعينه
ونكون محبينه
لما راح تييجى البشاره

الدهب يفضل دهب
مهما شال من عفاره
والزفر يفضل زفر
مهما ينضف م الزفاره
والزباله بتبقى مسك
لو زباله من عِطّاره

لا عندنا شركات
لا ارض لا تركات
ملناش غير ربنا
يحمينا بالبركات
بنحافظ على الصلوات
عرضنا صوتنا
مانبعش فى الاصوات
ولاعندنا مصالح
ولا عندنا هفوات
راح نطمعوا ف ايه
ما كلنا اموات
وكلنا من مصر
اخوه مع اخوات
لابيننا كان حزب
ولاوعود كذب
وبنحسب الخطوات
مش عايزينها ف يوم بصاره
الدهب يفضل دهب
مهما شال من عفاره
والزفر يفضل زفر
مهما ينضف م الزفاره
والزباله بتبقى مسك
لو زباله من عِطّاره
هنقول اللى ف ضميرنا
ونراعى ربنا ف صوتنا
نختار رئيس يجيرنا
ويوفر لينا قُوتنا
ويربى يوم صغيرنا
لو جه ف يوم ومُتنا
ميكونش لحد غيرنا
يجمعنا ف يوم شتاتنا
يعوض ع اللى فات
لو مره القطر فاتنا
ونكونوا مستورين
ويحسن يوم حياتنا
لازم نختار بحِرص
دا معدش فيها وِرث
خلصت يا ميت خساره
الدهب يفضل دهب
مهما شال من عفاره
والزفر يفضل زفر
مهما ينضف م الزفاره
والزباله بتبقى مسك
لو زباله من عِطّاره

عايزين رئيس
يكون انسان
ماهوش تعلب
طالع له اسنان
ماهوش كاذب ولا خوِّان
ولانهّاب ولا فتّان
ولامحوش له كام فدّان
ولا بايع شبر ليهود
ولامريكان
ولا واكل ومالى بنوك
زى زمان
ولا ابليس
ولا شيطان
عايزين نحس يوم بأمان
نفسنا ننسى الهوان
نفسنا ننسى المذله
والامتهان
والانتخاب الِأِمتحان
يا تنجح والسعاده ليك تبان
يأما ترضى الامتهان
نفسنا تبقى السعاده
فى كل بيت وكل حاره
الدهب يفضل دهب
مهما شال من عفاره
والزفر يفضل زفر
مهما ينضف م الزفاره
والزباله بتبقى مسك
لو زباله من عِطّاره


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
الدهب يفضل دهب
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منــتديــــات الفـــيـــلســـــوف الدميــــــــاطي :: واحـــــة الفـــــــكــــر والادب والشـــــعر :: ابداعات شاعر قلين مستر عطية الخضري-
انتقل الى: