حل لمشكلة حب الشباب

ماتسمعيش كلام اللي يقول إن فيه مرطبات أو كريمات موجودة في الصيدليات بتساعد على علاج حب الشباب أو تقلل من أسباب ظهوره؛ لأن الكريمات دي بتبقى محتاجة إنك تسألي دكتور علشان فيه بعضها بيسبب جفاف للبشرة، وكمان فيه مكونات بتسبب حساسية وده علشان لكل بشرة نوع معين من الكريم
2. ماتحاوليش إنك تستخدمي أكتر من نوع كريم في وقت واحد لأن تعارض مكونات الكريمات مع بعضها بتؤدي إلى ظهور حب الشباب.

3. ماتحاوليش أبدا إنك تلعبي في حب الشباب الظاهر في وشك علشان ده بيؤدي لزيادة الإلتهابات بالإضافة إلى أنه بيترك أثر في الوجه بيقى شكله مش حلو وكمان بيسيب أثر دائم.
4. كمان ماتسمعيش اللي يقول إن أشعة الشمس بتساعد على التخلص من حب الشباب لأن الكلام ده غلط خالص؛ علشان أشعة الشمس بتساعد على ظهور التجاعيد بسرعة وإنتِ لسه صغيرة قوي
5. بس خلّي بالك إن فيه حالات من حب الشباب بتبقى محتاجة إنك تروحي للدكتور علشان تاخدي العلاج المناسب، وفيه ساعات حالات بيبقى لازم فيها تدخل تجميلي بس نطمنك لأن ده بيكون في الحالات الشديدة بس.
حل لمشكلة حب الشباب Widesmile

هنقول ليكِ على كام وصفة طبيعية ممكن إنك تجربيهم والوصفات دي مش هتكلفك حاجة خالص لأنك هتلاقيها في البيت.
مسك الكرنب او الخس
وده بإنك تسيبي ورق الكرنب أو الخس يغلي بشدة وتاخدي المية المغلية دي بس بعد ما تبرد وتغسلي بيها الأماكن اللي فيها حبوب، وده باستخدام قطعة قطن مبلولة بالمية. وممكن تحطي المية في الثلاجة لاستخدامها أكتر من مرة.
ماسك الجزر
ابشرى الجزر بدون ما تقشريه وضيفي عليه ليمونة وسيبيهم نص ساعة، وبعدين حطيه على وشك. والماسك ده يا ستي بيخلّي لون البشرة صافي وبيزيل التجاعيد والبثور وبيخلص الوجه من أي شوائب عليه
ماسك الرده
وده بإنك تخلطي الرده مع اللبن وتحطي الخليط ده على وشك، ثم تغسلي وشك بالمية الدافية والماسك ده بيعقم وشك وبيمنع ظهور حب الشباب.
مسك خميرة بيرة
هاتي خميرة بيرة ودوبيها في مية واشربي كوباية منها بعد كل وجبة غدا، وده لأن الخميرة البيرة بتحتوي على فيتامين "ب" اللي بيكون علاج فعال في علاج حب الشباب.
ماسك العسل مع الليمون والجلسرين
وده عبارة عن خليط مكون من 6 معالق كبيرة عسل ومعلقة كبيرة جلسرين ومعلقة عصير ليمون مع بعض، وادهني بيهم الوجه وسيبيه لمدة ساعة وبعدين شيليه واغسلي وشك بالمية وهتشوفي النتيجة.
ماسك عصير الخيار
وده عبارة عن إنك تضربي الخيار في الخلاط وتدهني بيه وشك باستخدام قطنة وتتركيه على وشك لمدة ربع ساعة، وبعدين تغسلي وشك بالمية الدافية. واظبي على عمل الماسك ده يوميا ولمدة شهر واحد فقط.
حل لمشكلة حب الشباب Widesmile

هيدى الوصفات مفيده كتير كتير للبشره حل لمشكلة حب الشباب Wink

يارب الموضوع انشاء الله يعجبكم
حل لمشكلة حب الشباب Confused

مستنيه رضوتكم علشان لو الموضوع عجبكم عندى ليكم مسكات كتير كتير حلوه حل لمشكلة حب الشباب Confused

الموضوع جميل
ومفيد واكيد هنسمع بيه بس عايزين نعرف اسعار الحجات دي حل لمشكلة حب الشباب Icon_lol

» مسكات لحب الشباب
» دراسة صحية
» طرق سحرية..لتتخلصي نهائيا من حب الشباب